algjörlega sammála

Viljum ekki sjá breta hér. Þessar hernaðaræfingar eru óþarfar og ekkert nema kostnaður fyrir okkur, tek undir það peningunum betur varið í annað. Auk hljóta íslendingar að vera sammála um það að við álítum breta ekki vinveitta þjóð um þessar mundir og því best að varast umsvif þeirra hér á landi eða nálægt landi voru.

VG vill ekki gæslu Breta

Kvótinn, ríkissukkið og heila klabbið

Það þarf að stokka upp á nýtt. Við þurfum að afnema kvótakerfið strax, auka kvótann og ríkið á að eiga hann og leigja hann út. Það er ekki nóg að velta vandamálunum yfir á almenning í þessu landi, það þarf líka að henda út línu fyrir fólkið svo það hafi trú á að eitthvað réttlæti sé til. Stjórmálamenn, embættismenn og aðrir gæðingar hins opinbera eiga að taka á sig kjaraskerðingu, laun alls þessa fólks á að lækka, það eykur tiltrú fólks. Laga eftirlaunin, svona óþverra óréttlæti á ekki að eiga sér stað.

Við eigum ekki að semja við Breta um krónu meir en okkur ber eða aðrar þjóðir. Bankastjóri ríkisbanka ráðinn upp á tæpar 2 milljónir á mánuði um leið og fólk missir vinnuna í sama banka, hvar er siðferðið? Þetta sýnir svo um munar það gap sem er milli embættismannastéttarinnar og almennings. Hver er svo ábyrgðin, undanfarið hefur það sýnt sig að bak við háu launin og fríðindin var engin ábyrgð.

Þjóðin er reið og á fullan rétt á því. Látum heyra í okkur og verum samtaka um grundvallarmálin.  Nú er verið að skuldsetja okkur upp fyrir eyru og hvað svo, á svo bara að sussa á fólkið og segja þetta lagast? hvernig á það að lagast? hvað er verið að gera til að gera okkur kleyft að komast út úr þessu?

Við þurfum að framleiða og skapa og selja til útlanda, annað er ekki í stöðunni og hvernig gerum við það? Við aukum kvótann og ríkisvæðum hann, eflum iðnað, ferðaþjónustu, tækniþróun og þess háttar, allt sem getur skapað tekjur/gjaldeyri. Krefjumst þess að ríkið og stofnanir þess gangi á undan með góðu fordæmi, sýni sparsemi og ráðdeild og að tekið sé fyrir allt óþarfa flakk starfsmanna hins opinbera út um allan heim á dagpeningum og rugli. Nú á að nota tæknina, allir fundir og ráðstefnur geta farið í gegnum fjarfundabúnað og tölvur, fólk þarf ekkert að þvælast út um allt. Í staðinn mætti nota sparnaðinn til þess að mýkja afleiðingar kreppunnar/eða hvað við viljum kalla þetta ástand og varast atvinnuleysi.

Til þeirra sem eru að spá í að flýja land, þið ættuð að hugsa á þjóðernislegum nótum, við þurfum á öllum íslendingum að halda, nú er rétti tíminn að standa saman og vinna að uppbyggingu hins nýja Íslands á okkar forsendum en ekki hinna sem búnir eru að klúðra málunum. ´

Varðandi sökudólgana, já endilega við skulum draga þá til ábyrgðar. Það verður að fara vandlega í gegnum hvað gerðist en við verðum að sýna skynsemi. Aftökur án dóms og laga eru ekki leiðin, hafa aldrei verið það og verða aldrei. En afhverju er ekki sett bráðabrigðalög og eignir þessa útrásarliðs fryst meðan málin eru rannsökuð? ég hefði nú haldið að það væri mál sem allir stjórnmálaflokkar gætu verið sammála um að samþykkja, eða hvað?